telebista
Zuzenean
Azkoitiko pilota jaialdia, gaur, ETB1en eta eitb.eus-en
A.H. | EITB
Eskuzko pasaka, aizkolari eta zaldi lasterketa emanaldiak ere eskainiko dira.
Andra Mari egunez, zuzeneko pilota emankizuna egingo dute ETB1ek eta eitb.eus-ek, Azkoititik, 17:00etatik aurrera. Binakako bi partidek osatuko dute jaialdia: Jaka-Urruzola / Mendizabal III-Erostarbe eta Irribarria-Merino II / Altuna III-Zabaleta. Josetxo Lizartzak, Jokin Errastik eta Xabier Anduezak egingo dute kontakizuna.
Goizean beste pilota emanaldi bat izango da, afizionatu mailakoa. Eskuzko pasaka modalitateko Gipuzkoako Txapelketaren berri emango du Iñigo Aiestaranek, 12:00etan.
16:00etan, pilotaren aurretik zabaldu ohi duten herri kirolen tartean, aizkolariak izango dira ikusgai. Sunbillako Ramon Latasa sarian gertatutakoak ekarriko dizkigute Iñaki Mikeok eta Joxe Etxebestek.
Amaitzeko, 20:00etan, Donostiako hipodromoan jokatutako zaldi lasterketan Urrezko Kopa eskainiko da, Imanol Arruti eta Joanes Urrestarazuren kontakizunarekin.
ntakizunarekin.