telebista
Goizeko albistegia
Aizpea Goenagari elkarrizketa, ostiraleko 'Egun On Euskadi' saioan
A.H.
EITB
Etxepare Institutuko zuzendari berria izango du solaskide Aitzol Zubizarretak.
Aizpea Goenaga Etxepare Institutuko zuzendari berria hartuko dute gonbidatu ostiraleko ''Egun On Euskadi'' albistegian. Aizpeak, euskal kultura eta hizkuntza gure mugetatik kanpo hedatzeko helburua duen erakundean egin dituen lehen egunak eta dituen egitasmoak komentatuko ditu Aitzol Zubizarretarekin.
Horrez gain, Chelo Apariciok, Alberto Gartziak eta Olatz Barriusok gaurkotasun handieneko gaien inguruko solasaldia egingo dute eta Vanessa Sanchezek, bere aldetik, eguneko albisteen kontakizuna egingo du goizeko 08:30etatik aurrera ETB-2n.
Egunotan bezala, albistegiaren hasieran San Fermin jaien tartea zabalduko dute. Eguneko entzierroa izango da ikusgai eta Iñaki Erreak Iruñeko jai giroaren berri emango du zuzenean.
