telebista
Zuzenean
Bilbo-Arrate, Itzuliaren 5. etapa, gaur, ETB1en eta eitb.eus-en
EITB
'Gure Bideoteka' saioak Irribarria-Rezusta eta Bengoextea VI-Larunbe bikote finalistek aurtengo txapelketan elkarren kontra jokatutako bi partida eskainiko ditu.
Bilbo eta Arrate arteko bosgarren etapari helduko dio gaur Euskal Herriko Itzuliak. 139,8 kilometroko ibilbideak bost mendate izango ditu, horien artean, lehenengo mailako bi: Izua (birritan igoko dute) eta Usartza (etaparen amaieran).
ETB1ek eta eitb.eus-ek 15:00etatik aurrera egingo dute bat etaparekin, eta Xabier Usabiagak, Fermin Aramendik eta Alfontso Arroiok egingo dute zuzeneko kontakizuna.
'Gure Bideoteka'
'Gure Bideoteka' tarteak, igandean jokatuko den Eskuz Binakako Txapelketako finalaren aurrerapen moduan, Irribarria-Rezusta eta Bengoetxea VI-Larunbe bikote finalistek aurtengo txapelketan elkarren kontra jokatu dituzten bi partida eskainiko ditu: urtarrilaren 13an Hendaian jokatutako ligaxkakoa eta martxoaren 13an Donostian jokatutako finalaurrekoa.
