telebista
Kirolak zuzenean
Real Sociedad-Tacuense eta pilota Lekeitiotik, gaur, EiTBn
A.A. | EiTB
Buruz Buruko Txapelketako Agirre-Elordi, Mendizabal III-Zabaleta eta Irusta-Erasun partidak izango dira ikusgai.
Zuzeneko bi emanaldi izango ditugu gaur ETB1en eta eitb.eus-en.
Batetik, futbola. Emakumeen Ligako Real Sociedad-Tacuense partidaren kontakizuna egingo dute Zubietatik Naxari Altunak, Juanan Larrañagak eta Xabier Ormazabalek, 12:00etan hasita.
Bestetik, pilota. Lekeitioko pilotalekuan izango dira Xabier Euzkitze, Joxan Tolosa eta Xabier Andueza, bertan jokatuko diren Buruz Buruko Txapelketako hiru neurketen berri emateko. Partida nagusia lehen mailakoa izango da, Mendizabal III-Zabaleta. Beste biak, promozio mailakoak: Agirre-Elordi eta Irusta-Erasun. Ohi denez, 17:00etan hasiko da jaialdia.
16:00etako herri kirolen tartean, goizean Bastidan jokatutako aizkolarien Buruz Buruko Eusko Label Sariko jardunaldia izango da ikusgai. Juanan Legorburu eta Joxe Etxebeste izango dira esatariak.
