telebista
ETB2, 22:30
Mihia astintzeko asmoz etorriko da Saioa 'Conquis'era gaur
A.A. | EiTB
Karibetik Getariara bidean, Miramongo platoan geldialdia egingo du, luze eta zabal hitz egin eta bere burua defendatzeko.
Gaurko 'Conquis' saioan, eztabaida erakargarria izango dute Saioa Etxeberria azken kanporatuaren eskutik. Kanpamentuko ardi galdua izan denak gauza asko ditu kontatzeko: arrantzaleekin azpijokoan ibili zenekoa, David Secorekin eta Maddirekin izandako harremana, abenturan aurrera egiteko izan dituen oztopoak…
Kariben bizi izandakoaz eta hemendik aurrera gertatuko denaz galdetuko dio Patxi Alonsok. Halaber, Kaxer izango du berriro aurrean, eta abenturan adiskide eta bidelagun izan duen Adrianarekin elkartuko da.
Isa Landa, Eneko Van Horenbeke, Gotzon Mantuliz, David Seco eta Manu Maritxalar solaskideak eta Humberto Gutierrez aktoreak hezurmamitutako pertsonaia berri bat egongo dira horiekin batera platoan.
Ohi denez, oraindik ikusi ez diren irudiak erakutsiko dituzte asteleheneko saioan; besteak beste, duelua irabazi eta gero, Izeta eta Carol kanpamentura itzuli zirenekoak. Joseina Etxeberriaren musikak girotuko du platoa, eta Ainhoa Etxebarriak sare sozialetan zer esaten den azalduko digu.
'El Conquis' asteazkenero ematen da ETB2n eta eitb.eus-en, 22:30ean, zuzenean, Miramongo platotik.
