telebista
'Oholtzan'
'Konstituzio plazak 200 urte' emanaldia, gaur gauean, ETB1en
A.A. | EiTB
Plazaren urtemuga ospatzeko Donostiako Orfeoiak eskainiko duen kontzertua izango da ikusgai ETB1en eta eitb.eus-en.
Konstituzio Plazaren 200. urtemuga ospatzeko Donostiako Udalak gaurko antolatu duen Donostiako Orfeoiaren kontzertua zuzenean ikusi ahal izango dugu, ETB1en eta eitb.eus-en, 22:00etatik aurrera. Sortzaile donostiarren edota hirian oso errotuta dauden kantu sorta eskainiko dute Orfeoiko kantariek Jose Antonio Sainz Alfaroren zuzendaritzapean.
Esanahi berezia izango du larunbateko emanaldiak, hainbat urtemugek egiten dutelako bat 2017 urte honetan: Konstituzio plazaren lehen harria jarri zutenetik 200 urte, udaletxea Konstituzio plazatik Alderdi Ederrera igaro zutela 70 urte, Plaza Berria (Konstituzio plaza eraiki aurretik zegoen plaza, 1813an erre zutena) eraiki zutenetik 300 urte, eta Donostiako Orfeoia sortu zela 120 urte.
Ilaski Serranok eta Asier Odriozolak aurkeztuko dute 'Oholtzan' saioan ikusgai izango den kontzertua.
den kontzertua.