Larunbateko 'Oholtzan'ek azkeneko bi urteetako daturik onena lortu zuen

'Oholtzan' saioak azkeneko bi urteetako daturik onena lortu zuen larunbatean, Taberna Ibiltaria ikuskizunaren emanaldi bereziarekin. Saioak %6,2ko audientzia zatia eta euskaldunen arteko %11,6ko kuota lortu zituen. Gainera, 157.000 ikus-entzuleko audientzia metatua eskuratu zuen Euskadin eta eragin eremuan.

Bestalde, ostiraleko 'Go!azen' telesailaren emanaldiak %3,3ko audientzia zatia  izan zuen, euskaldunen artean %9,5eko kuota izan zituen. Gainera, gaztetxoen artean nagusi izan zen, 4 eta 12 urte bitarteko haurren %30,6ko kuota bereganatuz.

Igandeko 'Herri Txiki, Infernu Handi' saioak, halaber, %3,7ko audientzia zatia orokorra erdietsi zuen eta  euskaldunen artean %9,0ko kuota lortu zituen. Zuhaitz eta Pagadi Nafarroako Imotz udalerrira gerturatu ziren eta bertako biztanleen istoriorik bitxienak ezagutu zituzten. Audientzia metatuari dagokionez, 121.000 ikus-entzulek bat egin zuten emanaldiarekin Euskadin eta eragin eremuan.