telebista
Kirolak zuzenean
Euskal Selekzioa-Txekia eta pilota Iruñetik, gaur, zuzenean, EiTBn
A.A.| EiTB
Binakako Txapelketako Urrutikoetxea-Ladis Galarza / Altuna III-Martija partida izango dugu ikusgai.
-
Emakumezkoen Euskal Selekzioa
Emakumezko Euskal Selekzioak Txekiaren aurka jokatuko duen futbol partida zuzenean jarraitu ahal izango dugu ETB4n eta eitb.eus-en 17:00etatik aurrera. Naxari Altuna, Larraitz Lukas eta Xabier Ormazabal izango ditugu berriemaile zuzenean Ipurua futbol zelaitik.
Ordu berean, baina ETB1en eta eitb.eus-en, pilota izango dugu Iruñetik. Arretxe II-Urretabizkaia II / Bakaikoa-Etchegoin partidak zabalduko du jaialdia. Ondoren, Binakako Txapelketako norgehiagoka izango da Urrutikoetxea-Ladis Galarza eta Altuna III-Martija artean. Amaitzeko, Artola-Erasun eta Arteaga II-Aretxabaleta izango dira aurrez aurre. Josetxo Lizartzak, Jokin Errastik eta Xabier Anduezak egingo dute kontakizuna.
