telebista
Kirolak zuzenean
Olaizola II-Imaz / Victor-Albisu, Logroñotik, gaur, ETB4n eta eitb.eus-en
A.A. | EiTB
Binakako Txapelketako partidarekin batera, Venta de Baños Palentziako herriko Nazioarteko Krosa eskainiko dute zuzenean.
-
Esku pilota
Igande honetan, goizez eta arratsaldez, Euskal Herriko Bertsolari Txapelketa Nagusia izango dugu ikusgai zuzenean ETB1en. Horrexegatik, kirol emankizun guztiak ETB4n eskainiko dituzte, eta, ohi denez, baita eitb.eus-en ere.
Erremontea izango dugu lehen hitzordua, 12:15ean. Bezperan Hernaniko Galarretan jokatutako Binakako Txapelketako finalerdiaren kontakizuna egingo dute Iñigo Aiestaranek eta Manuel Arrizabalaga Matxinek. Urriza-Agirrezabala eta Ezkurra II-Endika izango dira nor baino nor gehiago.
13:30ean, Venta de Bañoseko (Palentzia) Nazioarteko Krosaren berri emango dute zuzenean Juanan Legorburuk eta Xabier Leibarrek.
17:00etan, 'ETB Kantxa' saioaren barruan, Logroñoko Adarraga pilotalekuko jaialdia izango dugu ikusgai. Hiru partida hauek jokatuko dira: Artola-I. Zabala / Arteaga II-Untoria, Olaizola II-Imaz / Victor-Albisu (Binakako Txapelketa) eta Arretxe II-Iturriaga / Bakaikoa-Salaverri. Xabier Euzkitze, Joxan Tolosa eta Elena Azpeitia izango dira esatariak.
