telebista
Kirol emanaldia
Binakako txapelketako partida, Iruñeatik zuzenean, gaur, ETB1en
EITB
Horrez gain, Euskadiko ziklo-kros txapelketaren laburpena, eta Gotzon Enbil zesta jokalariaren agurra izango dira ikusgai.
Iruñeako Labrit pilotalekuarekin zuzenean bat egingo dute gaur ETB1ek eta eitb.eus-ek, 17:00etatik aurrera. Hasteko, Arretxe eta Urretabizkaia aurrez aurre jarriko dituen lau t'erdiko partida izango da ikusgai, eta ondoren, Urrutikoetxea- Aretxabaleta eta Ezkurdia-Zabaleta bikoteek binakako txapelketa partida jokatuko dute. Amaitzeko, Peña-Iturriaga/ Bakaikoa-Erasun partida izango da ikusgai. Josetxo Lizartza, Jokin Errasti eta Xabier Anduezak egingo dute emanaldiaren kontakizuna.
Horrez gain, goizeko 12:30ean, Durangon ospatutako Gotzon Enbil zesta jokalariaren ibilbidearen azken partida izango da ikusgai. Roke- Enbil eta Arrieta- Garita bikoteek jokatu zuten aurrez aurre, eta partidaren kontakizuna, Pedro Mari Goikoetxeak eta Aimar Aldazabalek egingo dute ETB4n eta eitb.eus-en.
Arratsaldeko 16:30ean gainera, Euskadiko ziklo-kros txapelketaren laburpena eskainiko du Fermin Aramendi esatariak ETB1en eta eitb.eus-en.
n.