'El Conquistador'eko castinga: Iraia Zabala, sasoiko emakumea

Gaurko hautagaiaren izena Iraia Zabala da.&' || 'nbsp;Aukeratuetako bat izanez gero, zeresan handia emango lukeela uste du. Emakume dibertigarria da eta ez zaio axola iskanbila sortzea edo istilu baten parte izatea. Oso emakume kirolaria da. 7 urtez eskubaloian jokatu du. Geroztik, gimnasiora joaten da eta spinning eta body pump egiten ditu. Azken hori, aerobic eta pisuen arteko konbinazio bat da. Patagoniako esperientzia bizi nahi du, probak egin, baina hotza etsai handia izango litzatekeela uste du. Iraia Zabala edo beste hautagaiei zure puntuazioa eman diezaiokezu&' || 'nbsp;castingaren bideoaren behealdean aurkituko duzuen estekari jarraitu. Botoa ematen duzuen guztion artean laster ezagutzera emango dugun sari bikain bat zozkatuko dugu.

Egunero hautagai baten castingaren bideoa eskegiko da saioaren webgunean. Hala ere, Patagoniara joango diren 24 lehiakideen izenak ez ditugu urtarrilera arte ezagutuko. Datorren abenduaren 29an eta urtarrilaren 5ean ETB-2k saio bereziak eskainiko ditu 70 hautagaiak aurkezteko. Saioaren amaieran ezagutuko ditugu Patagoniara joango diren 24 lehiakideen izenak.

Aurten ere jende ugari izan da ''El Conquistador del Fin del Mundo''n parte hartzeko castingetan. 1.800 pertsona baino gehiago gerturatu ziren ekainean Bilbon, Donostian, Gasteizen eta Iruñean egin ziren deialdietara.