telebista
Kirol emanaldiak
Lekeitioko pilota jaialdia, gaur, zuzenean, ETB1en eta eitb.eus-en
EITB
Horrez gain, UnderRun Metro Bilbao lasterketaren laburpena, Erremonteko Sagardo Txapelketako partida eta aizkolarien buruz- buruko Euskal Label Saria izango dira ikusgai.
-
Joxean Tolosa eta Xabier Euzkitze
ETB1ek eta eitb.eus-ek Lekeitioko pilota jaialdia eskainiko dute gaur, zuzenean, 17:00etatik aurrera. Hasteko, Dario- Uriondo eta Elordi-Irusta bikoteek jokatuko dute atariko partida, eta ondoren, Jaka- Martija eta Altuna III- Tolosa bikoteak aurrez aurre jarriko dira jardunaldiko partida nagusian. Xabier Euzkitzek, Joxean Tolosak eta Xabier Anduezak egingo dute emanaldiaren kontakizuna.
Horrez gain, honako emanaldi hauek izango dira: UnderRun Metro Bilbao lasterketaren laburpena izango da ikusgai (12:00etan ETB1en eta eitb.eus-en); Uterga-Zubiri eta Otaegi- Ion bikoteen arteko erremonteko Sagardoaren Txapelketa partida eskainiko dute (12:30ean ETB4 eta eitb.eus-en); eta amaitzeko, aizkolarien buruz buruko Eusko Label Sariaren hirugarren aurre-kanporaketaren emanaldia eskainiko dute (16:00etan ETB1en eta eitb.ues-en).
