Bergarako pilota jaialdia zuzenean, gaur gauean, ETB1en eta eitb.eus-en

Gaur gauean, ETB1ek eta eitb.eus-ek zuzenean bat egingo dute Bergarako pilota jaialdiarekin 22:00etatik aurrera, eta Buruz Buruko Txapelketako bi partida eskainiko dituzte.

Hasteko, Dario eta Bakaikoaren arteko norgehiagoka izango da ikusgai, eta ondoren, Olaizola II eta Rezusta pilotariek jokatuko dute jardunaldiko bigarren norgehiagoka

Xabier Euzkizek, Joxan Tolosak eta Elena Azpeitiak egingo dute emanaldiaren kontakizuna zuzenean.