Santo Domingo de la Calzadatik pilota jaialdia, gaur gauean, ETB1en eta eitb.eus-en

Gaur gauean, Santo Domingo de la Calzadan, Errioxan, jokatuko den pilota jaialdia eskainiko dute ETB1ek eta eitb.eus-ek, 22:00etatik aurrera. Hasteko, Gorka eta Urretabizkaia II.ak buruz buruko promozio txapelketa jokatuko dute, eta ondoren, Urrutikoetxea-Albisu eta Irribarria-Zabaleta bikoteen arteko norgehiagoka izango da ikusgai. Xabier Euzkitzek, Joxan Tolosak eta Elena Azpeitiak egingo dute emanaldiaren kontakizuna.

Aurretik, Italiako Giroaren zazpigarren etaparekin bat egingo dute Euskal Telebistako kamerek, 13:15etik aurrera. Pizzo Calabro eta Praia a Mare Italiako hegoaldeko bi herrien arteko 159 kilometroko etapa izango da eta Fermin Aramendik, Xabier Usabiagak eta Alfonso Arroiok egingo dute lasterketaren zuzeneko kontakizuna.