'QMEC', 'A Bocados' eta Almudena Cacho nabarmendu dituzte Zilarrezko Antena Sarietan

EiTB taldeko hainbat saio eta aurkezle zorioneko daude, 2018ko Bizkaiko Zilarrezko Antena Sarietan euren lana nabarmendu baitute. Hala, ETBko 'Qué Me Estás Contando' saioak telebista programaren atalean jaso du Zilarrezko Antena Saria. Ander Gonzalez eta Gabriela Uriarte 'A Bocados' programako aurkezleak telebista aurkezleen atalean saritu dituzte, eta Radio Euskadiko Almudena Cacho kazetariak irrati aurkezlearen Zilarrezko Antena Saria eskuratu du.

(Ander Gonzalezek eta Gabriela Uriartek Zilarrezko Antena Saria lortu dute. Argazkia: EiTB)

Bestalde, Baleuko ere saritu dute, ekoiztetxeen atalean. Ikus-entzunezko esparruan ibilbide luzeko ekoiztetxea da, eta egun ETBko 'Ur Handitan' saioa ekoizteaz gain, haurrentzako '3zp4' eta '3txulo' programak ere egiten ditu Pausokarekin batera.

(Baleukoko ordezkariak, sari banaketan. Argazkia: EiTB)

Euskadiko Irrati eta Telebista Profesionalen elkarteak ematen ditu Zilarrezko Antena Sariak, Bizkaiko edizioan. Telebista eta irrati munduko profesionalen "lana eta ibilbidea" nabarmentzea dute helburu. Astelehen honetan, maiatzaren 28an, egin dute sariak banatzeko ekitaldia, Bilbon, Carlton hotelean.

Hauexek dira 2018ko Zilarrezko Antena Saridunak, Bizkaiko edizioan:
Irratiko aurkezlea: Almudena Cacho.
Telebista: Eduardo Velasco.
Ibilbidea: Jose Maria Iñigo.
Legenda: Javier Reino.
Albistegiak: Atlas País Vasco (Tele 5).
Irratiko albistegiak: Eloisa Santiago.
Telebistako saioa: 'Qué Me Estás Contando' (ETB).
Telebistako aurkezlea: Ander Gonzalez eta Gabriela Uriarte (ETBko 'A Bocados' saioa).
Irratia: 40 Principales.
Urteko albiste ona: Bilbo, '2018ko Europako Hiririk Onena'.
Telebista ekoiztetxea: Baleuko.