Bigarren Mailako futbola eta Lau T'erdiko Txapelketa, zuzenean, EiTBn

Gaurko kirol jardunaldia Bigarren B Mailako futbolarekin hasiko da. 16:00etatik aurrera, Zubietatik zuzenean, Real Sociedad B eta Torrelavega taldeen arteko partida ikusteko aukera izango da. Kirol kontakizuna Naxari Altuna eta Juanan Larrañaga esatarien esku egongo da.

18:00etan, Euskal Telebistak Iruñeko pilotalekuarekin bat egingo du zuzenean. Pilota-emanaldia Retegi Bi eta Urrutikoetxea pilotarien arteko Lau t’erdiko Txapelketako partidarekin hasiko da. Ondoren, Lau t’erdiko Promozioko Txapelketan, Dario eta Bakaikoa arituko dira aurrez aurre. Arratsaldea amaitzeko, binakako partida bat izango da ikusgai: Artola-Mariezkurrena / Laso-Imaz. Kontakizuna Josetxo Lizartzak, Jokin Errastik eta Elena Azpeitiak egingo dute.