telebista
Kirolak
Lau t'erdiko Promozio Txapelketako finala, gaur, ETB1en eta eitb.eus-en
EiTB
16:00etan Durango eta Real Union taldeen arteko norgehiagokarekin hasiko da larunbateko kirol jardunaldia.
-
Bakaikoa eta Peña II.a, material aukeraketan
Bigarren B Mailako futbol partida batekin hasiko da gaurko kirol-jardunaldia. 16:00etan, Durangotik zuzenean, izango da ikusgai Durango eta Real Union taldeen arteko partida. Jarraipena Naxari Altunak eta Juanan Larrañagak egingo dute.
18:00etan, berriz, 'ETB Kantxa' tartea irekiko da, Iruñetik zuzenean. Hasteko, Lau t'erdiko Promozio Txapelketako finala jokatuko da Peña II.a eta Bakaikoaren artean. Kirol jardunaldiari amaiera emateko, binakako partida bat izango da ikusgai: Elezkano II-Rezusta bikotea Artola-Mariezkurrena II.ren aurka arituko da. Josetxo Lizartza, Jokin Errasti eta Xabier Andueza arduratuko dira kirol-kontaketa egiteaz.
Futbol partida zein pilota partidak ETB1en eta eitb.eus-en izango dira ikusgai.
