'Erromeria Sestaon', gaur gauean, 'Oholtzan' saioan

Musikaz girotutako emankizunak hainbat parte hartzailek osatuko dute gaur; tartean izango dira, Fredi Paia bertsolaria, Sestaoko Birakari Erraldoi Konpartsa, eta Euskal Herriko hainbat dantza talde: Leioako Andoni Aresti Dantza Eskola, Sestaoko Jauzika Konpania, Biarritzeko Maritzuli Konpania, Mungiako Santos Intxausti Musika eta Dantza Eskola, eta Sestaoko Arriskugarri Dantza Taldea, Eusko Lorak Dantza Taldea eta Salleko Dantza Taldea.

Emankizuna Arcelor enpresaren kanpoaldean ospatuko da.

'Oholtzan': Erromeria Sestaon, gaur gauean izango da ikusgai, 22:15ean, ETB1en eta eitb.eus-en.