Gorriak berriz deskalifikatu dituzte eta Leire 'Ukelele'k esan dio agur abenturari

Elkarren segidako lau astez irabazi gabe, bi lehiakide gutxiago eta bi deskalifikazio; argi dago talde gorria bururik gabe dabilela, egokitu zaizkion bi kapitainak bezala. Azkenean, "El Conquistador del Pacífico" saioko taldeek kapitainen izaera hartzen dute eta, kasu honetan, bien arteko akordio ezak taldeari kalte egiten dio.

8. atalera iritsi dira eta guztiak edozer egiteko prest daude onik ateratzeko. Ohi den bezala, ahulenek eta galduen dabiltzanek ordaintzen dituzte besteen hutsak. Talde gorriko Leire "Ukelele" izan da kaltetuena; izan ere, Arantxak karta erraldoien gazteluaren dueluan kanporatu du. Aldez aurretik, kapitain berdeek orain arte jarraitutako estrategia aldatu eta Arantxa, taldeko ahulenetakoa, bidali dute duelura.

Leire "Ukelele" ongi lehiatu da dueluan, baina argi dago gorriek ez dutela irabazteko apusturik egin eta, ondorioz, galdu egin dutela.

Gorriak duelura iritsi badira jokoan berriz deskalifikatu dituztelako izan da; arretarik gabe eta elkar aditu ezinik aritu dira berriro. Kasu honetan, protagonistak ez dira kapitainak izan, baina ez dute taldea behar bezain ongi gidatu eta jokoaren arauak urratu dituzte zenbait aldiz. Azkenean, Ianirek Julianen plataforma ukitu du, bertara etengabe gerturatzen egon ostean.

Aurreikusi bezala, gorriak haserretu egin dira, baina horrek ez du beraien helmuga aldatu: kanpamentu oso txirora joan dira, infernura. Argi gelditu da kapitain on batek irabazten dakiela baina, batez ere, galtzen ere badakiela. Adibide bezala talde berdea dago; urdinen aurrean galdu dute azken segundoetan eta ongi onartu dute porrota.

Eneko eta Daviden taldeak mach ball bat salbatu du irabazteko aukerarik ez zuela uste zuenean. Leti San nabarmendu da onerako, eta, Andoni, txarrerako. Mendarokoak amore eman du jokoa hasi aurretik eta, ia-ia, jokotik kanpo gelditu dira bere erruz.

Oraindik abentura eta joko asko daude aurretik; Pazifikoa ezustekoz beterik dago.

Ez ezazu galdu "El Conquistador del Pacífico", astelehenetan, 22:30ean, ETB2n eta eitb.eus-en. Gainera, saioaren atalak EiTB Nahieranen ikus daitezke.