telebista
Audientzia
'El Conquistador' berriz ere nagusi astelehen gauean, % 21,5eko kuotarekin
EITB
Abenturaren zortzigarren atalak 341.000 ikus-entzuleko audientzia metatua lortu zuen.
-
'El Conquistador del Pacífico' saioaren zortzigarren atala
'El Conquistador del Pacífico' audientzia-buru izan zen, berriz ere, asteleheneko ordutegi nagusian, % 21,5eko kuota bereganatuz. Halaber, Julian Iantzik aurkeztutako saioak 341.00 ikus-entzuleko audientzia metatua lortu zuen Euskadin eta eragin eremuan.
Abenturaren zortzigarren atal honetan, talde gorria atera zen galtzaile: Arantxak Leire Ukelele kanporatu zuen karta erraldoien gazteluaren dueluan. Urdinek, ordea, azken segundoetan irabazi zuten immunitate jokoa.
Estreinaldiaren egunetik, zortzi astez jarraian izan da 'El Conquistador del Pacifico' bere ordu tartean nagusi, eta denboraldian zehar, bataz beste, % 21,0ko audientzia zatia eta 316.000 ikus-entzuleko audientzia metatua bereganatu ditu.
