telebista
22:00etan
Banakako Urrezko Aizkolarien finala, gaur gauean, zuzenean
EiTB
Azpeitian egingo den herri kirol ikuskizuna 22:00etatik aurrera jarraitu ahal izango dugu ETB1en eta eitb.eus-en.
Informazio gehiago (1)
Zuzeneko herri kirol emanaldia izango gaur gauean ETB1en eta eitb.eus-en. Azpeitiko Izarraitz pilotalekuan jokatuko den Banakako Urrezko Aizkolarien finalaren berri emango digute Ibon Gaztañazpik, Joxe Etxebestek eta Ane Muruamendiarazek, 22:00etan hasita.
Urrezko Mailan, Iker Vicente, Mikel Larrañaga eta Julen Alberdi Txikia IV.a izango dira nor baino nor gehiago; 23 urtez azpikoetan, Julen Larrea II.a, Joxean Etxeberria eta Oier Kañamares IV.a, eta 19 urtez azpikoetan, Hodei Ezpeleta, Aritz Azpiazu Arria VI.a eta Xuban Kañamares V.a.
Horrez gain, Emakumeen Trontza Txapelketa jokatuko dute hiru bikotek: Itxaso Onsalo-Leire Astiazaran, Ruth Linaza-Garbiñe Lopez de Uralde eta Karmele Gisasola Zelai III.a-Uxue Ansorregi.
Azkenik, Urrezko Binakako Harrijasotze Txapelketako txapelaren bila aterako dira Xabier Aranburu Guzta-Imanol Albizu Goikoetxe, Jokin Eizmendi-Jon Gisasola Zelai V.a eta Aimar Galarraga- Iñigo Eizagirre Eiza bikoteak.
