telebista
Suspentsea maite dutenentzat
Alfred Hitchcock maisuari eskainitako zikloa, maiatzean, ETB-2n
O.A
La trama, El hombre que sabia demasiado, Ventana indiscreta eta Vértigo filmek osatuko dute hil honetako ostiraletako bazkalondoko tartea.
Maiatzean ETB-2ko westernaren ohiko tartean zinemaren historiako zuzendari handienetako baten filmak ikusi ahal izango dira. Alfred Hitchcock zinegileari eskainitako zikloa izango da ETB-2ko maiatzeko ostiraletan, westernaren ordutegian.
La trama filmak emango dio hasiera Alfred Hitchcock suspentsearen maisuari eskainitako zikloa maiatzaren 6an. El hombre que sabia demasiado filmak emango dio jarraipena maiatzaren 13an. 7 egun geroago Ventana indiscreta artelana ikusi ahal izango da eta maiatzaren 27an Vértigo lana izango da ikusgai zikloari amaiera emateko.
Alfred Hitchcock zinegileari eskainitako zikloa maiatzeko ostiraletan izango da ikusgai ETB-2n, 18:00etatik aurrera.
