telebista
Kirolak
Donostia Hiria Torneoko finala, gaur arratsaldean, zuzenean
EiTB
18:00etatik aurrera izango dugu ikusgai Olaizola II-Albisu / Artola-Imaz norgehiagoka ETB1en eta eitb.eus-en.
-
Donostia Hiria Torneoa. EiTBren bideo batetik hartutako irudia
Donostia Hiria Torneoko finala izango dugu larunbateko kirol hitzordu nagusia ETB1en eta eitb.eus-en. 18:00etan izango dugu ikusgai Olaizola II-Albisu / Artola-Imaz norgehiagoka eta jarraian Alberdi-Iturriaga / Zabala-Untoria partida.
'ETB Kantxa' saioaren aurretik, 16:00etan, Bigarren B Mailako futbolaren tartea zabalduko da Arenas Club vs Tudelano neurketa eskaintzeko.
Zesta punta eta erremonte emanaldi banak osatuko dute eguneko kirol eskaintza: Donibane Lohitzuneko torneoko finala 13:30ean eta Banakako Txapelketako ligaxkako partida 21:00etan. Bi emanaldiak ETB4n eta eitb.eus-en jarraitu ahal izango ditugu.
