Aitziber izango dute gonbidatu "El Conquis" saioan gaur gauean

Aitzi haserre samar iritsiko da "El Conquis"eko platora kanporaketaren ondorioz, eta ez dago Virren jokatzeko moduarekin oso gustura, ezta Patrik bera izendatu izanarekin ere. Orobat, bere taldeko kideak bizi duten oinazearen berri emango du gaurko saioan. Bestalde, Vir kanpamentura iritsi zenekoa erakutsiko du, Aitzi kanporatu dutela kontatuz, eta Martin eta Gotzon pozarren itzultzen ere ikusi ahalko dira.

Haitisesera hurbilduko da saioa hiru taldeen egoera errepasatzeko. Hurrengo jokoaren atariko gutunaren edukiaren berri izango dugu eta protagonisten irudiak ikusiko ditugu, orain arte ikusi ez direnak.

Aste honetan conquistologo eta lehiakide kanporatuak egongo dira: Juanito, David, Eider, Ianire, Caballo, Isma, Josean, Silbia, Vane eta Gorka. Abenturaren egun-egunekoa eta kapitain eta lehiakideen jarduna zorrotz aztertuko dituzte. Halaber, Maja, Caguama eta Guaraguaoak zirraraziko dituen berria emango du saioak.

Ainhoa, Txurru eta Humberto ez dira faltako "El Conquis del Caribe" saioan, 22:30ean, ETB2n eta eitb.eus-en.