telebista
Kirola
Bueltan da futbolik onena ETBn
A.H.
EITB
Euskal Telebistak Champions Leagueko partidak eskainiko ditu baita Athletic-ek Trabzonspor talde turkiarraren kontra jokatuko dituen Europa Leagueko norgehiagokak ere.
Euskal Telebistak Champions League-aren partidarik onenak eskainiko ditu denboraldi honetan, eta txapelketaren gaurkotasun osoaren bozeramale izango da aurten ere. Hala, partida onenak zuzenean eskainiko dira ETB-1en eta horrez gain, Txemi Galarragak aurkeztutako ''Champions League'' saioak, laburpenak, mometurik onenak eta partiden zein jokalarien gaineko daturik nabarmenenak ekarriko ditu gogora. Aste honetan, Champions League-aren aurrekanporaketa partidak hasiko dira eta asteazkenean Villarrealak Odenseren kontra jokatuko duen norgehiagoka eskainiko du ETB-1ek zuzenean, 20:45etik aurrera. Gainera, Txemi Galarragak aurkeztutako saioek astearte eta asteazkenean jokatuko diren partiden gaineko laburpenak eskainiko dituzte.
Baina Champions League-aren inguruko informazio zabala eskaintzeaz gain, Europa League-ako zenbait norgehiagoka ere ikusgai izango dira Euskal Telebistan. Athletic-ek taldekako fasera pasatzea lortu nahi izanez gero, Trabzonspor talde turkiarra irabazi beharko du. EuskalTelbistak ostegunean San Mamesen jokatuko den joaneko partida eskainiko du zuzenean, 21:00eitk aurrera, Turkian jokatuko den itzuleko norgehiagoka ere eskainiko du.
Bai Champions League-ko partida zein Athletic-ek jokatuko duen norgehigaoka. eitb.com-en bidez ikusgai izango dira zuzenean.
