telebista
22:30ean
'La vida de los otros' filma, gaur gauean, "La Noche De…" saioan
EiTB
Saioak, gainera, Angelina Jolie aktorearen inguruko erreportajea eskainiko du eta Hollywoodeko zenbait izarrekin eta inbidiarekin zerikusia duten gertaerak gogoratuko ditu.
-
'La vida de los otros' filma. EiTBren bideo batetik ateratako irudia
Gaur gauean, "La Noche De…" saioak La vida de los otros filma eskainiko du. Alemaniako ekoizpen bikain honek nazioarteko 78 sari irabazi zituen; Nazioarteko Film onenaren Oscar Saria, tartean. Florian Henckel von Donnersmarck zinemagilearen zuzendaritzapean, Sebastian Koch, Martina Gedeck eta Ulrich Mühe aktore protagonistek Ekialdeko Alemaniako erregimenaren Stasi polizia sekretuaren inguruko istorio errealista eskainiko dute. Felix Linaresek filmazioaren eta aktore zerrendaren datu guztiak emango ditu.
Bestalde, Angelina Jolie aktorearen ibilbidea errepasatuko du saioak, eta, horrez gain, Paul Newman, Steve McQueen eta Sophia Loren aktoreekin zerikusia duten inbidiak errepasatuko ditu Los 7 pecados capitales atalak.
Amaitzeko, elkarren artean hitz egin gabe 20 urte daramatzaten Hollywoodeko bi anaiaren inguruko erreportajea eskainiko du Ovejas Negras atalak.
"La Noche de…. La vida de los otros" gaur izango da ikusgai, 22:30etik aurrera, ETB2n eta eitb.eus-en.
