telebista
22:30ean
"En Jake: Elecciones 12J", gaur gauean, ETB2n eta eitb.eus-en
EiTB
Xabier Lapitzek aurkeztuko duen saio berezian, hauteskunde osteko panorama aztertuko dute, eta emaitzen, erreakzioen eta legealdi berriko erronken balorazioak bilduko dituzte.
-
Xabier Lapitzek aurkeztuko du asteazkeneko saio berezia. Argazkia: EiTB
Gaur gauean, "En Jake: Elecciones 12J" saio berezia izango da ikusgai, Xabier Lapitzek zuzenduta eta aurkeztuta, joan den igandeko hauteskunde autonomikoak aztertzeko. Marta Martin, Oscar Bañuelos, Rosa Martinez, Natalia Rojo, Eduardo Portero eta Braulio Gómez solaskideek parte hartuko dute saioan. Halaber, Miren Basaras UPV/EHUko Mikrobiologia irakaslea, Maximo Cermo ekonomista eta Francesc-Marc Alvaro, Elisa Beni eta Ana Pardo de Vera kazetariak elkarrizketatuko dituzte. Hauteskundeotako abstentzio altua, gehiengo abertzalea, alderdi konstituzionalisten egoera, itunak egiteko aukerak, ultraeskuinaren agerpena eta covid-19a izango dira programan jorratuko dituzten gaietako batzuk.
"En Jake: Elecciones 12J" saio berezia ETB2n eta eitb.eus-en izango da ikusgai, gaur, 22:30ean.
