telebista
Zuzeneko emankizuna
Barça eta Viktoria Plzen, aurrez aurre, ETB-1en eta eitb.com-en
A.H.
EITB
Horrez gain, Fenerbahce eta Caja Laboral taldeen arteko Euroligako partida eskainiko du ETBK Sat kateak.
-
'Champions taldea'. Argazkia: EITB
Asteazken honetan, Bartzelonak Viktoria Plzen talde txekiarraren kontra jokatuko du Camp Nou estadioan. Euskal Telebistak zuzenean eskainiko du Txapeldunen Ligako norgehiagoka 20:40tik aurrera ETB-1en eta eitb.com-en. Juanan Legorburu eta Xabier Azkargortak egingo dute partidaren gaineko kontakizuna zuzenean. Emanaldiaren aurretik, Txemi Galarragak aurkeztutako 'Champions League' saioak norgehiagokaren aurreko informazio guztia eskainiko du eta partida amaitu ondoren, analisia, momenturik onenak eta jardunaldiko beste partiden laburpenak eskainiko dira.
Bestalde, Euskal Telebistak saskibaloiko Euroliga txapelketa eskainiko du asteazkenetik aurrera. ETBK Sat kateak Fenerbahce eta Caja Laboral taldeen arteko norgehiagoka eskainiko du Istambuletik zuzenean. Asier Aranguren eta Josean Aldalur komentaristek emango dute partidaren berri arratsaldeko 19:15etik aurrera.
