Bigarren B mailako futbola eta 4 t'erdiko final-zortzirenak, gaur, ETB1en zuzenean

Bi kirol emanaldi eskainiko dira gaur zuzenean ETB1en eta eitb.eus-en.

Alde batetik, 15:45ean, Bigarren B mailako futbol partida bat eskainiko da, Real Union vs Arenas taldeek jokatuko dute partida Iruneko Stadium Gal zelaian. Horren jarraipena Naxari Altunak eta Juanan Larrañagak egingo dute.

Ondoren, 17:30ean, "ETB Kantxa" saioak hiru pilota partida eskainiko ditu. Batetik, Eusko Label Txapelketako 4 t'erdiko final-zortzirenak ere izango dira jokoan, Artolak Peña II.ari egingo dio aurre eta Elezkano II.a eta Zubizarreta III.a ere arituko dira aurrez aurre. Ondoren, lau t'erdiko atariko partida jokatuko dute Zabalak eta Salaberriak. Partiden kontakizuna Xabier Euzkitzek, Mikel Idoatek eta Ane Muruamendiarazek egingo dute.