"Historias a Bocados" Bujandan izango da gaur

Joseba Arguiñanok Bujanda bisitatuko du gaur, 20 biztanle inguru dituen Kanpezuko kontzejua. Besteak beste, bertako hiru bizilagunekin bilduko da: Javi, Patxi eta Joseba.

Javi Lopez De Luzuriaga duela 8 urtetik Bujandan bizi da, hemen eman zituen haurtzaroko uda eta asteburuak, aitona-amonen etxean. Javik naturalistatzat hartzen du bere burua, eta gaur egun ingurumen teknikari gisa egiten du lan. Josebari erakutsi nahiko dion lehen gauza Izki ibaian dagoen tramankulu bitxi bat izango da, animalia batzuen oinatzei esker hauen arrastoa jarraitu dezake, adibidez, bisoiena. Gero, "txoko"ra eramango du patatak txorizoarekin prestatzeko. Kalean bertan dastatuko dute prestatuko platera, Javik bere istorioak partekatzen dituen bitartean, horien artean, Administrazio Batzarreko lehendakaria dela.

Patxi Moriyon Santurtzin bizi da gaur egun, baina pandemia egoera dela eta nahiago izan du familiak Bujandan duen bigarren etxera joan, emaztea adibidez, Kanpezun jaioa baita, San Romanen hain zuzen ere. Patxik etxeko sukaldean itxarongo du Joseba orburu eta txipiroi salteatuekin itsaskabra prestatzeko. Ondoren, Bujandan bizi izandakoaren xehetasunak kontatuko dizkio Josebari. Izan ere, bertan oso gustura egon arren, faltatzen botatzen ditu itsasoa eta itsas usaina. Azkenik, Patxik Arguiñanori bere zaletasunetako bat erakutsiko dio, itsasoari lotuta mantentzen duena: arrantzarako amuak nola egiten dituen.

Joseba Abaitua Euskal Filologian lizentziatua eta Deustuko Unibertsitatean Hizkuntzalaritza irakaslea da. Josebari erakutsiko dion lehen gauza erosi duen XVII. mendeko jauregi-etxe bat da. Bertan bizi ahal izateko eraikina eraberritzea da bere asmoa. Gero Bujandako etxean, arkume-kalderete gisatua curry erara kuskusarekin prestatuko dute elkarrekin. Bestalde, Josebak inguruko toponimiaren berezitasunak kontatuko dizkio Arguiñanori, bertan euskal jatorriko izenak eta erromantze jatorriko izenak mugatzen baitira. Bujandarekin eta bertako biztanleekin lotutako hainbat istorio ere aipatuko dizkio. Eta azkenik, Bujandako Jasokundeko Andre Mariaren parrokiara joango dira biak. Eliza horren barruan, San Fausto Labradorren gorputz usteldu gabea dago sarkofago batean sartuta.

"Historias a Bocados" Bujandan izango da gaur, 20:00etan, ETB2n eta eitb.eus-en.