telebista
Aste honetan
Mikel Urdangarinen 'Zuzenean', 'EITB Kultura' saioan
A.E.
EITB
'EITB Kultura'ren Off the record tartean Mursegoren musikaz arituko dira. Modatik eta Arrigorriagako korto jaialdiaz ere arituko dira.
-
Mikel Urdangarin. Argazkia: EITB
Euskal Telebistako 'EITB Kultura' saioan Mikel Urdangarinen Zuzenean diskoaz arituko dira aste honetan. Zornotzako artistak Bilboko Kafe Antzokian grabatu zuen lan honek bere 15 urteko ibilbidea laburbiltzen du 28 abestitan. Musikarekin jarraituz, Off the record atalean Mursego talde eibartarraz arituko dira.
Arrigorriagako Umorea Labur film laburren jaialdiari ere erreparatuko diote. Hamar urte betetzen ditu jaialdiak eta umorea da ardatza. Halaber, Ruben Ontiveros eta 'Que vida más triste'ko gainontzeko lan-taldearen proiektu berriaz aritu dira.
MID_E arte mostrak Modatik programa aurkeztu du. Adierazpen horri buruzko berri emango dute. Moda eta arte bisualen topagunea da Modatik. Nora Izagirre diseinatzaile gipuzkoarrak bertan desfilatuko du eta Egoitz Audikanak moda argazki eta bideoa erakutsiko du.
BilbaoArte serigrafia tailerrera ere joko du kultura saioak, Bilboko Lumbreras galerian. Azkenik Antón Hurtadoren 'El lugar en el que habito' erakusketan egongo dira Bilboko Lumbreras arte aretoan.
'EITB Kultura astelehenean dago ikusgai ETB-1en 00:30ean, ETB-2n asteartean 'La Noche de...'ren ondoren eta ostiralean ETB-3n 22:30ean.
