telebista
Abenduaren 13ko saioa
'Goenkale': Bogari boikota egingo die arraldetarrek!
EITB
Artesako kaltetuen elkarteak Aliziaren salaketarekin bat egiteko asmoa du.
Bideoak (1)
Paulak garai zailak bizi ditu. Ernestok traizioa egin diola jakingo du emakumeak. German hilzorian zegoela, Paulak larrialdietara deitu bazuen ere, ez laguntzea erabaki zuen. Germanek datu hori jakinaraziko dio aitari. Abelek mendekua nahi du.
Malenek ez dauka mendeku goserik. Are gehiago, Itxasoren bizitza hondatuko luketen argazkiak ez publikatzea lortuko du. Malenen Itxasorekin pakea sinatzeko pauso handi bat eman du. Itxasok ordea, ez dauka Ibirekin adiskidetzeko inolako asmorik. Neskatoa beraiekin jolasean dabilela jakingo du Itxasok eta mehatxu egingo dio.
Leo eta Alizia ere bakea sinatzetik urrun daude. Arraldetarrek Bogari boikota egin nahi diote. Leo eraso guztietatik babesten saiatuko da. Leok egoera oso txarrean utzi du Aliziaren eta Kandidoren familia. Bogaren galerak etxeko ekonomian eragina izango du Kandidok lanpostu xume bat lortuko badu ere.
German geroz eta gusturago sentitzen da Inesen alboan. Erizaina bestalde, gaixoa mimatzen saiatzen da.
