Loreto Mauleon eta Maitena Salinas, 'Finlandia'n, igandean

Aste honetan, Loreto Mauleon eta Maitena Salinas 'Goenkale' telesaileko aktoreak izango dituzte gonbidatu ETB-1eko 'Finlandia' saioan. Aitziber Garmendia eta Ainere Tolosarekin solasean eta jolasean arituko dira ordu bete inguru.

Artekariak ere azalduko dira saio honetan, edozein diskusioetan azaltzeko hartu berri duten joerarekin, eta Julian eta Asintxoren sagardotegiko errubera inoxidabliari buelta bat emango diote.

Axier Muniain surfistak bere koadrilarekin egindako txiribueltak eta astakeriak erakutsiko ditu, Olazabal eta Azkargortak Tzanpionza komentatzen jarraituko dute eta herri kiroletako laukote famatuenaren abenturen berri izango dute Axkolayak sekzioan.

Gainera, mintzalaguna Armando euskaldun berriari euskaraz hitz egiten erakusten jarraituko du eta gaijartzailek bertso gaiak jartzeko edozein aukera aprobetxatuko du.

Zentro de Diako hirukoteak gurpildun aulki karrera errepikatu nahiko du gonbidatuen aurka eta Eriz Magoak, beti bezala, ahozabalik utziko gaitu bere majia jokoekin.

Hori dena, igande gauean, 20:55etan, 'Finlandia'n.