telebista
Audientziak
"La Noche De..." saioa, astearte gaueko liderra
EITB Media
Gainera, "Joseba Arguiñano Sukalerrian" programak, euskaldunen artean, bere historiako share altuena lortu zuen.
-
'Un verano en Ibiza' pelikularen irudi bat.
Asteartean "La Noche De..." saioak eskainitako Un verano en Ibiza filma bere ordu tartean nagusi izan zen, % 16,1ko audientzia-zatiarekin. Gaueko liderra bilakatu zen 223.000 ikus-entzuleko audientzia metatua lortuz, Euskadin eta eragin eremuan.
Aurretik Félix Linaresek gidatutako programak ere audientziaren harrera ona izan zuen: % 13,0ko audientzia-zatia eta 136.000 ikus-entzuleko audientzia metatua. Bere ordu tartean nagusi izan zen "La Noche De…"ko aurkezpena.
Bestalde, ETB1en, "Joseba Arguiñano Sukalerrian" saioak, euskaldunen artean, bere historiako share altuena izan zuen asteartean, % 19,9ko audientzi-zatia eskuratuz. Bisigua Orioko erara prestatu zuten atalean.
