albistea
Otsailak 19
Tolosako inauteriak, igande goizean, zuzenean, ETB-1en
A.A.
EITB
Imanol Artolak egingo du kontakizuna eta kaleko giroa Maite Eskarmendi eta Agustin Ezenarrok bilduko dute.
-
Imanol Artola. Argazkia: EITB
Euskal Telebistako lehen kateak Tolosako inauterien ekitaldi nagusia eskainiko du igande goizean zuzenean eguerdiko 12etatik aurrera. ETB-1eko kamerek herri honetako kaleak zeharkatuko dituen desfilea jarraituko dute gertu-gertutik, Imanol Artolak gidatutako saio berezian. Gainera, Zaldunita egunean kalean jazotako guztia kontatzen Maite Eskarmendi eta Agustin Ezenarro arituko dira.
Tolosako kaleak argiz, kolorez eta musikaz jantziko dira igandean eta mozorro ikuskizuna hurbiletik biziko du ETB-1ek. Imanol Artolak kontakizuna egiten duen bitartean, Maite Eskarmendi eta Agustin Ezenarro kazetariak jende artean ibiliko dira ibilbide osoan bizi den giroa jasotzeko. Herri osoak esku hartzen du inauteri zalapartatsu eta alai hauetan, eta inauteri igandea edo Zaldunita izaten da egun aipagarriena. Desfilean esku hartuko duen kaleko jendearekin eta pertsonaia nagusiekin mintzatuko dira haien iritziak biltzeko.
