albistea
Kirol emanaldiak
Saskibaloia, pilota, errugbia eta aizkolariak, igandean, ETBn
A.A.
EITB
Eguerdian Villarreal-Athletic partidaren laburpena eskainiko da.
-
Caja Laboral. Argazkia: EFE
Igandero bezala, kirol eskaintza zabala prestatu du Euskal Telebistak. Saskibaloiarekin hasiko dira, ETB-1en, 12:15ean: Caja Laboral-Blancos de Rueda. 14:00etan, berriz, Villarrealek eta Athleticek jokatutako ligako partidaren laburpena eskainiko du ETBK Sat-ek.
Bazkalostean, 15:30ean, Ampo Ordizia-Getxo Artea errugbi derbia izango da ikusgai ETBK Sat-en eta 16:00etan aizkolarien Eusko Label Sariko gaztetxoen finalerdia ETB-1en.
17:00etan pilotaren tartea zabalduko dute ETB-1en Eibarko Astelenatik. Txapelketako bi partida jokatuko dira: promoziokoa lehenengo, J. Retegi-Larrinaga / Apezetxea- Merino I eta lehen mailakoa ondoren, Berasaluze VIII-Albisu / A. Lasa- Peñagarikano.
Futbol aktualitatearen errepasoa ETB-1eko 'Gol Festa' saioak (19:30) egingo du laburrean eta ETBK Sat-eko 'Tribuna Gol' saioak (22:30) luze eta zabal.
