Taldeen batasuna arriskuan jarriko dute gatazkek, gaur gauean, "El Conquistador del Caribe" saioan

Hurrengo atalean, Yocahu eta Atabey taldeen arteko liskarra gertatuko zela uste genuen, baina oker geunden. Gatazkak taldeek beraiek sortuko dituzte kanpamentuetan. Gorrien kasuan, esaterako, ez da giro, bereziki Asier joan zenetik. Ika-mikak eta adiskidetasunak agerian geratu dira Andreak gidatzen duen taldean. Gorriak oso batuta zeudela zirudien, baina ezta hurrik eman ere, taldetxoak osatzen ari baitira, kapitainaren harridurarako. Hurrengo immunitate jokoa irabazi behar dute, bai ala bai; izan ere, horrek lasaitasuna ekarriko die, eta, horrela, piztu diren suak itzaltzeko moduan izango dira.

Talde urdina, ostera, inoiz baino batuago dago. Aurreko ataleko jokoa irabazi osteko egunetan, festa ez da amaitu. Giro ona eta adiskidetasuna nagusi dira Corocote taldean. Jokoak galdu ondoren, kantuan aritzeko gogoa izan zuten, eta orain, tronpeta hotsek ez dute amaierarik. Kanpamentu aberatsean, festak jarraituko al du, ala, galduz gero, urdinen showa amaituko al da behingoz?

Atabey taldea, ordea, ez dago une gorenean. Aitzitik, giroa apur bat nahastuta dago azken bileraren ostean. Leirek bost izendapen jaso zituen, eta oso minduta dago, duelua irabazi zuen arren. Ez du ahaztuko gertatutakoa. Tik-tak, tik-tak, tik-tak… Berdeek edozein momentuan eztanda egin dezakeen erloju-bonba bat dute taldean eta ez dira ohartu. Hobe dute immunitate jokoan ondo aritzea.

Oraindik ez dakigu zein immunitate joko jokatuko den astelehenean. Jokoa irabazten duen taldeak, hori bai, sari berezia eramango du. Galtzaileak, berriz, arriskuan izango dira, eta duelura bidali beharko dituzte taldekideak. Nor kaleratuko dute zortzigarren atalean? Horren erantzuna, gaur gaueko "El Conquistador del Caribe" saioan.

Ez galdu "El Conquistador del Caribe", astelehenetan, 22:30ean, ETB2n, eitb.eus-en eta aplikazioan. Gainera, gogoratu saioaren atalak EiTB Nahieran atarian, "El Conquis"en aplikazioan bertan, EITB Nahieran aplikazioan eta EITB Mediako gainerako euskarri digitaletan ikus daitezkeela gerora.