Hiru kapitainak eta Ferreti protagonista, gaur gauean, "El Conquis"en

Los Haitisesetik pasa ondoren, Binbik, Lobok eta Arantxak abenturan egindakoa aztertu eta gainerako lehiakideen aurrean kontuak eman beharko dituzte gaurko "El Conquis" debatean.

Saioak, gainera, Yocahu taldeko Ferreti lehiakidea izango du gonbidatu: Tafallakoari buruak huts egin zion eta abentura abandonatu zuen. Gaur gauean, erabaki hori hartzeko bere arrazoiak azalduko dizkio Patxi Alonsori eta Atabey taldeko lehiakide ohiekin elkartuko da berriro, abenturan haien kontra gogor hitz egin ondoren.

Ferretik Yocahu taldea utzi du bere momenturik latzenean. Kanpamendu oso pobreak eta jokoetan bizitako porrotek taldekideen animoa mermatu dute, besteak beste, Urkorena. Gainera, hirugarren aldiz jarraian, asanbleara joan beharko dira.

Nakorrek, Seletak eta Aitzol Atutxak hartu dute Binbi, Lobo eta Arantxaren lekukoa, eta Aitzolen kasuan, 24 ordutan, lehen pertsonan ezagutu ditu kanpamendu oso pobrea, talde barruko giro txarra eta lehiakide baten abandonatzea. Kapitain berriaren lehen inpresioak ere bilduko ditu gaurko saioak.

Abenturaren nondik norakoak aztertzeko, David, Eneko, Eider, Manu, Ohiane, Durana, Raúl eta Leire Juanes konkistologoak izango dituzte saioan eta Oizeder Mayok eta Isma Pereirak Conquis komunitatearen iritzi eta komentarioak bilduko dituzte Gaztearen txokoan.

"El Conquistador del Caribe" astelehenetan, audientzia-buru

Asteleheneko  "El Conquistador del Caribe" atala eguneko saiorik ikusiena izan da Euskadin, eta realityak berriz ere lortu du ordutegi nagusian lidergoa % 27,0ko kuotarekin. Halaber, Julian Iantzik eta David Secok aurkeztutako saioak 282.000 ikus-entzuleko audientzia metatua eskuratu du Euskadin eta eragin eremuan. Bestalde, sare sozialetako erabiltzaileek ikusmin handiz jarraitu dute asteleheneko atala eta #conquis13ETB traola joera izan da Twitterren.