telebista
Kirolak
Santboiana vs Ampo Ordizia errugbi finala, gaur, zuzenean, EITBn
EITB Media
"Helmuga" saioan Amorebieta futbol taldeak zilarrezko mailan egin duen ibilbideaz arituko dira. Bestalde, igandetik aurrera Dauphiné Kriteriuma zuzenean izango dugu ikusgai.
-
Ampo Ordizia errugbi taldea
EITBko hedabideek jarraipen berezia egingo diote Ampo Ordiziak eta Santboianak igandean jokatuko duten Errugbiko Ohorezko Mailako finalari. Partida zuzenean eskainiko da ETB4n eta eitb.eus-en 12:30etik aurrera, Jon Ander Gorospe eta Joanes Aierberen kontakizunarekin. Gorka Saavedra izango dute berriemaile Radio Euskadin eta Euskadi Irratian Sant Boi de Llobregatetik.
Bestalde, "Helmuga" saioan Amorebieta futbol taldea hartuko dute protagonista. Talde txiki batek zilarrezko mailan bizi izan duen ametsaz arituko dira. Horrez gain, Kauldi Odriozola eskubaloi jokalaria eta Eder Lomba eskalatzailea elkarrizketatuko dituzte.
Dauphiné Kriteriuma, ekainaren 5etik 12ra
Zortzi etapa izango dituen Dauphiné Kriteriuma zuzenean jarraitu ahal izango dugu igande honetan hasi eta datorren ekainaren 12ra bitartean ETB1en eta eitb.eus-en 15:25etik aurrera. Fermin Aramendi eta Pedro Mari Goikoetxea izango dira esatariak.
