albistea
Kirol emanaldiak
Caja Laboral eta Gescrap Bizkaia elkarren aurka, zuzenean, ETB-1en
A.H.
EITB
Bi talde euskaldunak Endesa Ligako play-offetan aurrez aurre izango dira.
-
Xabier de la Fuente, EITB.
Ostegunean, Caja Laboral eta Gescrap Bizkaia talde euskaldunek elkarren aurka jokatuko dute Endesa Ligako play-offetako lehenengo jardunaldian eta Euskal Telebistak Gasteizetik zuzenean eskainiko du norgehiagoka. Xabier de la Fuente, Josean Aldalur eta Jokin Etxebarriak emango dute partidaren berri 20:25etik aurrera ETB-1en
Giroaren 12. etapa zuzenean
Horrez gain, Euskal Telebistak, egunero bezala, arratsaldeko 15:00etatik aurrera, egingo du bat Italiako Giroarekin. Hamabigarren etapari aurre egin beharko diote txirrindulariek ostegunean, Saravezza eta Sestro Levanteren artean. Xabier Usabiagak eta Femin Aramendik emango dute emanaldiaren berri ETB-1en.
Jai Alai: Dania-Miami Challenge 2012
Ostegunero legez, zesta puntari eskainitako 'Jai Alai' saioa izango da ikusgai ETBK Sat-en 22:30ean. Bigarren astez, Dania-Miami Challenge 2012 txapelketako partidak eskainiko dituzte, Daniako Jai Alai Palace pilotalekuan jokatutako lehen jardunaldiari dagozkionak, hain zuzen ere. Hurrengo bi emanaldiak, berriz, 2. jardunaldiko partidekin osatuko dituzte. Horiek Miamin jokatu ziren.
Hiru urteko etenaldiaren ostean antolatu dute txapelketa hau Dania eta Miamiko pilotalekuek, 12. urtez. Gaur egungo zesta punta jokalari onenak biltzen ditu.
Partiden kontakizuna Iñigo Aiestaran eta Jabier Arkarazok egingo dute.
