telebista
22:30ean
Dietari eta osasunari buruz zabaldutako sinesmen eta mito berriak gaurko "Falsos Mitos" saioan
EITB Media
Iñaki Andradas sukaldariak, Toscana Viar nutrizionistak eta Eli Pinedo kirolari olinpikoak elikadurari eta osasunari buruz zabaldu diren sinesmen eta mitoak hautsiko dituzte.
-
"Falsos Mitos"
Gaur gauean, Iñaki Andradas sukaldariak, Toscana Viar nutrizionistak eta Eli Pinedo kirolari olinpikoak gure dietan ohikoak diren elikagaien eta kirol-praktika jakin batzuen gainean zabaldutako sinesmen eta mitoak bertan behera utziko dituzte "Falsos Mitos" saioan.
Hasteko, pikantea osasuntsua ote den aztertuko du Iñaki Andradasek. Horretarako, Alberto Elorduy Salsa Crazy Lizard markako ordezkariarekin eta Toni Iglesias eta Jon Ariño Pikantearen Klubeko kideekin izango da. Gainera, pikantea laborategian ikertuko du Bittor Rodriguez elikagaien zientzia eta teknologian doktorearekin.
Bestalde, Toscana Viar nutrizionistak ogiaren ore ama ikertuko du. Egungo ogia ez al da lehengoa bezain ona? Galdera horri erantzuteko, bi profesionalekin hitz egingo du: Galdakaoko Bizkarra gozotegiko Eduardo Bizkarrarekin eta Labeko ogitegiko Sergio Alvarezekin. Bestalde, Helena Lorenzo Garrido Basurtuko Unibertsitate Ospitaleko Haurren Elikadura unitateko medikuarekin arituko da.
Amaitzeko, Eli Pinedok 50 urterekin kirola egiten hastea osasuntsua ote den aztertuko du. Horretarako, Alberto Infante eta Javier Goñi Deustuko JM zikloturismo elkarteko kideekin egongo da, eta Maite Asha Garcia aeroyogako instruktorearekin ere hitz egingo du.
"Falsos Mitos" gaur gauean izango da ikusgai 22:30etik aurrera ETB2n eta eitb.eus-en.
