telebista
Kirola
Arrauna, pilota eta herri kirolak, gaur, ETB1en eta eitb.eus-en
EITB Media
Euskotren eta Eusko Label Ligak Getariatik, Ama Zuria Txapelketako bigarren finalerdia eta sokatira ikusi ahal izango dira.
-
Ama Zuria Txapelketako bigarren finalerdia, igande arratsaldean
Igande honetako kirol eskaintza arraunak, pilotak eta herri kirolek osatuko dute ETB1en eta eitb.eus-en. 11:30ean hasita, arraunaz gozatu ahal izango dugu, zuzenean, Getariatik. Hasteko, Euskotren Ligako Getariako Ikurrina izango dugu, eta 12:10ean Eusko Label Ligako Getariako Ikurrina.
15:30ean herri kirolen txanda izango da, sokatirako 580 kiloko final mixtoa emitituko baita.
Azkenik, 17:00etan, "ETB Kantxa" saioaren barruan, Gasteizko Ogueta pilotalekuko jaialdia izango dugu ikusgai. Atariko partidan Elezkano II-Bikuña / Dario-Tolosa izango dira aurrez aurre. Ondoren, Ama Zuria Txapelketako bigarren finalerdia jokatuko da: Ezkurdia-Zabaleta / Altuna III-Rezusta.
Ez galdu kirolik onena, igandean, ETB1en eta eitb.eus-en.
