Mikel Olazabal eta Xabier Azkargorta, 'Finlandia' saioan

'Finlandia'ko beste atal bat izango dugu ikusgai igande honetan, maiatzaren 27an. 21:30ean azalduko dira ETB-1en Joseina Etxeberria eta Edurne Garmendia aurkezleak beste bi gonbidatu xelebrez lagunduta: Tzanpionza ataleko izarrak, Mikel Olazabal eta Xabier Azkargorta paregabeak. Ordu bete izango dute aurretik gogotik barre egiteko, Segway karrera dela edo zezen mekanikoa dela. Gainera, Pazapalabra lehiaketa ere jokatu beharko dute bi gonbidatuek eta protagonista diren Tzanpionza esketxen atal berri bat eskainiko dute platoan bertan Olazabal eta Azkargortak.

Honez gain, 'dida' Gaztea irratiko lehiaketarekin jarraituko dute, aste honetako esketx irabazlea eta netbook-a etxean jasoko duen parte-hartzailearen izena emanez. Axi Muniain surflaria ere tartean izango dute 'Finlandia'n; oraingo honetan itsasoa alde batetara utzi eta airetik saltoka ibili da.

Hori guztia, igandean gauean, 21:30ean, 'Finlandia' saioan.