albistea
Kirol emanaldiak
Italiako Giroko azken aurreko etapa, larunbatean, ETBn
A.A.
EITB
Horrez gain, areto futbola, zesta punta, automobilismoa, 2. B Mailako futbola, esku pilota eta erremontea.
-
Argazkia: EITB
Italiako Giroko azken aurreko etaparekin abiatuko da larunbateko kirol programazioa ETBn. Ibilbide menditsua denez, 13:35ean egingo dute bat ETBK Sat-en eta 14:45etik aurrera ETB-1en izango da ikusgai.
ETB-1ek beste bi emanaldi osatuko ditu: 20:10ean, Bigarren B Mailako play-offetako Eibar-Lugo neurketa eskainiko da zuzenean, eta 22:00etan, Buruz Buruko Txapelketako Xala-Irujo pilota partida.
ETBK Sat-eko eskaintza areto futbolak, zesta puntak, automobilismoak eta erremonteak osatuko dute: 15:00etan, Inter Movistar-Triman Navarra partida; 16:30ean, Dania-Miami Challengeko 2. jardunaldiko kinielak; 18:30ean, Europako Nascar Txapelketako 2. jardunaldia, eta 22:30ean, Udaberri Sariko finala, Oñatz-San Miguel eta Uterga-Ion bikoteen artean.
