telebista
22:30ean
'Cerca del horizonte' drama erromantikoaren estreinaldia, gaur gauean "La Noche de…"n
EITB Media
Felix Linaresek aurkeztutako saioak Tony Scott zinemagilearen eta Jennifer Lopez eta Ben Affleck bikotearen inguruko erreportajeak eskainiko ditu, besteak beste.
-
'Cerca del Horizonte' filmaren irudia.
Astearte honetan, "La Noche de…"k Cerca del horizonte (Dem Horizont so nah, 2019) drama erromantikoaren estreinaldia eskainiko du telebistan. Ekoizpen alemaniar honek bi gazteren arteko maitasun istorioa azaltzen du, zoritxarrak eta horren aurreko gainditze pertsonalak protagonista izango dituen istorioa. Luna Wedler eta Jannik Schumann dira aktore nagusiak eta Felix Linaresek filmaketaren gaineko datu guztiak emango ditu zintaren emanaldiaren aurretik.
Saioak gainera, Tony Scott zinegilea hartuko du protagonista, bere buruaz beste egin zuenetik 10 urte beteko diren honetan. Saioak haren heriotzari buruzko datu guztiak emango ditu CSI: Hollywood atalean. Gainera, Jennifer Lopez eta Ben Affleck bikotearen inguruko erreportajea izango da ikusgai Amores de verano tartean, eta Portugaleko toki eta paraje ikusgarrienak ezagutuko ditugu zinearen bidez Donde el cine nos llevó atalean.
"La Noche de… Cerca del horizonte" gaur izango da ikusgai, 22:30ean, ETB2n eta eitb.eus-en.
