Igandeko eduki nabarmenak

Futbola: Emakumezkoen Liga: Valentzia vs Real Sociedad – 12:00etan ETB1en eta eitb.eus-en

Xabier Anduezak eta Larraitz Lucasek 15. jardunaldiko Valentzia vs Real Sociedad partidaren zuzeneko kontakizuna egingo dute.

Herri Txiki, Amerika Handi – 22:00etan, ETB1en eta eitb.eus-en

Zuhaitzek eta Pagadik AEBn hasi duten bidaiarekin jarraituko dute. Oraingoan, Gardnerville eta San Frantziskon barrena ibiliko dira. Gardnervillen cowboy euskaldunak elkartzen ziren taberna ezagutuko dute, eta San Frantziskon garai batean zazpi pentsio euskaldun egon zirela jakingo dute. Chinatowngo Euskal Etxean eta Yosemiten ere izango dira. 

Vascos por el Mundo: Sicilia – 22:15ean, ETB2n eta eitb.eus-en

"Vascos por el Mundo" saioa Siziliara joango da aste honetan. Mediterraneoko irlarik handiena eta Italiako eskualderik jendetsuena ezagutuko dute Fanny Boehm erreportariak eta Raúl Pérez kameralariak bertan bizi diren euskaldunen eskutik: Tamara, Pablo, Paula, Edurne, Yaiza, Ainhoa, Nerea eta Lara. Palermo hiriburua, Siracusa eta Agrigento hiriak, eta Etna sumendia bisitatuko dituzte, besteak beste.