'Conquistador del Aconcagua'ri buruzko informazio guztia, eitb.comen

Hemen da 'El Conquistador del Aconcagua' saioaren denbroaldi berria. Igandero, irailak 16tik aurrera, ETB-2n izango dugu ikusgai Julian Iantzik aurkezten duen saio abenturazalea. Eta astelehenetan, Iñaki López saioari buruzko eztabaida-saioarekin itzuliko da igandeetako emisioan gertatutako guztiaren errepasoa egiteko.

eitb.comen prest daukagu guztia. Batetik, lehiakideen profilak. Ezagunak eta ezezagunak izango ditugu elkarrekin aurten eta euren izaerari, lanbideei eta asmoei buruzko informazio guztia bildu dugu. Betsalde, Julian Iantzi aurkezlearen profila daukagu. Lortuko ote du aurten Aconcaguaren gailurrera heltzea? Eta, nola ez, Juanito Oiarzabal ere ez da falta. Mendizale ezagunak nola gauzatuko du bere eginkizuna?

Igandeetan gertatuko den guztiaren laburpenak argitaratzeaz gain, material esklusiboa izango dugu astero estreinatzeko. EITBko telerrealitate saio ezgauneko grabazioaren xehetasunak erakutsiko ditugu, saioa utzi behar duten lehiakideak elkarrizketatuko ditugu, bitxikeriak eta aurrerapenak izango ditugu... Eta, gainera, igandeetako saioa eta asteleheneroko eztabaida zuzenean jarraitu ahal izango dituzu streaming bidez.

Sar zaitez 'El Conquistador del Aconcagua' atari berezian eta jarrai ezazu partehartzaile guztiek bizituko duten abentura.