albistea
Kirol emanaldiak
Txirrindularitza, futbola, zaldiak eta pala, larunbatean, ETBn
A.A.
EITB
Horrez gain, Real-Athletic derbiaren jarraipen berezia.
-
Eibar. Argazkia: EITB
Txirrindularitzarekin abiatuko da ETBko kirol programazioa larunbatean. Lombardiako Itzuliaren azken kilometroak zuzenean jarraitu ahal izango dira ETB-1en eta eitb.com-en, 14:40etik aurrera, Fermin Aramendiren eta Xabier Usabiagaren eskutik.
Zuzeneko beste emanaldi bat ere izango da ETB-1en eta eitb.com-en, Bigarren B Mailako Eibar-Alaves neurketa eskaintzeko. Xabier Anduezak, Juanan Larrañagak eta Joseba Urkiolak egingo dute kontakizuna Ipuruatik 17:45ean hasita.
22:00etan, Txemi Galarragak 'Gaur Egun Kirolak' saio berezia gidatuko du ETB-1en, Real-Athletic derbiari eskainia. Anoetan jokatutako partidaren analisia, zaletuen arteko giroa eta protagonisten hitzak bilduko dituzte.
Bestalde, ETBKn areto futbolari leihoa zabalduko diote, ohi denez, 16:30ean. Barcelona Alusport-Umacon Zaragoza norgehiagoka izango da ikusgai, Xabier Anduezaren eta Juanma Ordozgoitiren komentarioekin.
18:30ean zaldi jauzien Erreginaren Kopan gertatutakoak bilduko ditu Pedro Mari Goikoetxeak, eta, azkenik, 22:30ean, Urkijo-Larrinaga / Garcia-Imanol pala partidaren berri emango dute Iñigo Aiestaranek eta Mikel Aierbek.
