albistea
Larunbatean
Amorebieta-Eibar norgehiagoka, zuzenean, ETB-1en eta eitb.com-en
Horrez gain, ETBK kateak areto futbola eta erremonte emanaldiak eskainiko ditu.
-
Amorebietako jokalariak. EITB
Larunbatean, Euskal Telebistako lehenengo kateak eta eitb.com-ek Amorebieta eta Eibar taldeen arteko Bigarren B Mailako partida eskainiko du arratsaldeko 18:00etatik aurrera. ETBko kamerek zuzenean bat egingo dute Amorebietako zelaiarekin eta Xabier Andueza, Juanan Larrañaga eta Joseba Urkiola komentaristek egingo dute emanaldiaren kontakizuna.
ETBK kateak, bere aldetik, bezperan Alcala de Henaresen jokatutako Inter Moviestar eta El Pozo Murcia taldeen arteko areto futbol norgehiagoka eskainiko du arratsaldeko 17:20etik aurrera. Oraingoan, Xabier Anduezak Juanma Ordozgoitirekin batera emango du partidaren berri.
Amaitzeko, erremontearen txanda izango da ETBKn. Urizar-Etxeberria III eta Endika-San Miguel bikoteek Hernanin jokatutako partida eskainiko da 22:30ean, Iñigo Aiestaran eta Iñaki Agirrezabala Matxin-en komentarioekin.
