Abiapuntua
22:30ean
Erlijioan jarriko du arreta "Abiapuntua" saioak gaur gauean
EITB Media
'Norbait al dago?' izenburupean, saioko gazteak munduko erlijio jarraituenetako hiru gertutik ezagutzera bidaliko ditu Xabier Madariagak.
Informazio gehiago (2)
"Abiapuntua" saioaren gaurko atalak erlijioan jarriko du arreta, Xabier Madariagak munduko erlijio jarraituenetako hiru ezagutzera bidali baititu gazteak. Beti bezala, errealitateak bizi baino lehen, esperimentu bat egingo die, aste honetako gaitik zein hurbil edo zein urrun dauden neurtzeko.
Saioan bertan azaldu zuenez, Andoni apaiz izateko bidean zen bere orientazio sexualaren eraginez bideari uko egin zion arte. Aste honetan, islama barrutik ezagutzera joango da, Janire kide duela. Joseba eta Lorea, bestalde, Amorotora joan dira euskal budista batekin erlijio horren oinarriak eta ohiturak ezagutzera. Gorka eta Lorea, berriz, Durangoko San Antonio Monasteriora joko dute, klausurako mojekin eguna igaro eta haien ohiturak ikasi eta partekatzeko.
Uste asko daude erlijioen inguruan eta atal berri honek aurreiritzi horiek suntsitu eta gazteengana gerturatu nahiko ditu.
"Abiapuntua" saioa asteartero dugu ikusgai, 22:30ean, ETB1en eta eitb.eus-en.
